სამოდელო გაკვეთილი

პრობლემაზე ორიენტირებული გაკვეთილი

ქართული ენა და ლიტერატურა

კლასი: III

გაკვეთილის თემა: ურთიერთობა თანატოლებს შორის, ბულინგი - „წრიპა ჩარლი“

აქტუალობა: ბულინგი ერთ - ერთ მწვავე პრობლემას წარმოადგენს, როგორც მთელ მსოფლიოში, ისე საქართველოში, რომელიც ძირითადად სკოლებში გვხვდება. საჭიროდ მიმაჩნია, დაწყებითი კლასებიდან დავანახოთ მოსწავლეებს ბულინგით გამოწვეული შედეგები და მოვამზადოთ ისინი მასთან საბრძოლველად.

მიზანი:

·         გააცნობიერებენ დაცინვის უარყოფით გავლენას ურთიერთობებზე და გაუღრმავდებათ ნეგატიური დამოკიდებულება მის მიმართ;

·         პატივისცემით მოექცევიან განსხვავებული ფიზიკური მახასიათებლების ან უნარების მქონე ადამიანებს;

·         განიმტკიცებენ  საკუთარი აზრის თამამად გამოთქმის, მოსმენის, თანამშრომლობის უნარებს;

·         მიეჩვევიან წაკითხულის დამოუკიდებლად გააზრებას;

·         მოხდება მოსწავლეებში სოციალური და სამოქალაქო კომპეტენციის განვითარების ხელშეწყობა (გამჭოლი პრიორიტეტული კომპეტენცია)